Ekde 2005 la Interfederacia Konferenco kunsidigas la federaciestrojn
po almenaŭ unu fojo en jaro, nome en la landaj kongresoj de
UFE. En tiuj kunsidoj la federaciestroj vivavoĉe diskutas kaj
interkonsentas pri diversaj demandoj propraj al la regionaj movadoj.
La venonta, tria kunsido okazos en Bourg-en-Bresse fine de Majo
2007.
 |
| d u a
k o n f e r e n c o • 2 0 0 6
• r e n n o |
|
Sekve al invito de
la nordfrancia prezidanto X. Dewidehem, la federaciestroj
kunsidis en Renno la 7an de Majo 2006. Ili diskutis kaj interkonsentis
pri :
- interfederacia mapo, kovro de Francio far la federacioj
- membriĝoj de la federacioj al UFE
- individuaj membriĝoj al la federacioj kaj UFE
- ĉiujaraj ekzamensesioj far la federacioj
- interŝanĝoj de la federaciaj revuoj inter la
federacioj
|
|
|
| u n u
a k o n f e r e n c o • 2 0 0 5
• b u l o n j o - ĉ e - m a r o |
|
Per letero sendita al ĉiuj federaciestroj en Marto 2005, s-ro
Xavier Dewidehem kiel balotota prezidanto de la Nordfrancia Federacio
invitis ilin por neformale kunveni okaze de la internacia renkontiĝo
Boulogne 2005. La celo estis « diskuti kaj interŝanĝi
pri la regionaj situacioj kaj agadoj ».
« Tia neformala “konferenco de la federaciaj
prezidantoj” povus esti apogilo por pli intimaj kaj regulaj
rilatoj inter niaj francaj federacioj — kio ĉiukaze estus
utila por nia francia Esperanto-movado », skribis
Xavier Dewidehem.
Tiam estiĝis la Interfederacia Konferenco, kiu tagmanĝe
kunsidis la 27an de Marto 2005 en Bulonjo-ĉe-Maro. El tiu unua
kunsido ne fariĝis protokolo. Okazis ne decidoj, nur unuaj
interkoniĝaj paroloj.
|
