Iniciatinte la unuajn du kunsidojn de la Interfederacia Konferenco,
s-ro Xavier Dewidehem, prezidanto de la Nordfrancia Federacio, retleteris
al ĉiuj Konferencanoj la 15an de Septembro 2006 por proponi,
ke la Konferencon kunordigu sekretario kaj eventuale vicsekretarioj.
En la tria Interfederacia Konferenco de Majo 2007 en Bourg-en-Bresse, la federacioj interkonsente aprobis tiun proponon, kaj elektis :
 |
| p r o
p o n o d e x . d e w i d e h e m |
|
Estimataj federaciestroj, [...]
Okaze de la kunsido de nia Interfederacia Konferenco en Majo 2006
en Renno, ni interkonsentis pri pluraj aferoj propraj al niaj regionaj
movadoj. Pri kelkaj el ili mi tuj traktos en postaj retleteroj.
En ĉi tiu retletero mi faras al vi la jenan proponon por la
funkciado de la Interfederacia Konferenco.
En sia retletero de la 18a de Junio [2006], la prezidantino de
Sudo-Pirineoj, Jeanne-Marie Cash, tre prave atentigis pri la realigo
de la Konferencaj interkonsentoj : « Post la
multaj “oni faru”, “oni interkonsentis,
ke fariĝu...”, ne staras nomoj de tiuj, taskitaj por
tion fari. Ekz. oni deziras, ke FEI disponigu ĝisdatigitajn
listojn de Kapableco-uloj, sed kiu rilatos kun FEI por havigi tion ? »
Ni ja ne parolis pri la federacioj aŭ la homoj, kiuj zorgu
pri la realigo de iuj interkonsentoj. Sciu, ke pri la klopodo al
FEI mi mem tuj zorgos, ĉar la Nordfrancia Federacio kaj mi
jam de pluraj jaroj kunlaboras kun FEI por organizi ĉiujarajn,
ĉiugradajn ekzamenojn en norda Francio. [...]
Laŭ mi estus bone, ke estu ene de la Konferenco kunordiganto, kiu
atentu pri la sekvoj de la Konferencaj kunsidoj, rilatu kun la federaciestroj
kaj aliaj asocioj aŭ instancoj por la realigo de tiuj aŭ aliaj interkonsentoj,
preparu la kunsidojn de la Konferenco, ktp... Tiun kunordiganton
oni povus nomi sekretario (ne prezidanto, ĉar oni ne celas prezidi
la federaciaron sed pli modeste kunordigi la interfederaciajn agadojn
kaj decidojn). Mi proponas min por fariĝi tiu sekretario dum la
nuna lernjaro, se vi bonvolos.
Tial mi proponas al la federaciestroj
la jenon :
PROPONO UNUA :
La Interfederacia Konferenco interkonsentas, ke :
- La federaciestroj (federaciaj estraranoj) elektu inter
si unu sekretarion, eventuale helpotan de unu aŭ pluraj
vicsekretarioj.
- La sekretario zorgu pri la preparo kaj la bona disvolviĝo
de la Konferencaj kunsidoj, kaj li atentu kaj/aŭ zorgu pri
la sekvoj kaj realigoj de la Konferencaj interkonsentoj.
Li atentigu la aliajn asociojn pri la aferoj kaj interesoj
propraj al la regionaj federacioj kaj movadoj. Li laŭokaze
kaj laŭeble reprezentu la Konferencon dum kunvenoj aŭ aranĝoj
de aliaj asocioj.
- La sekretario kaj la eventualaj vicsekretarioj estu federaciaj
estraranoj. La federaciestroj elektu novan sekretarion,
kiam la tiama sekretario ne plu estas federacia estrarano ;
same pri la vicsekretarioj.
PROPONO DUA :
La Interfederacia Konferenco interkonsentas, ke :
- La sekretario de la Interfederacia Konferenco estu s-ro
Xavier Dewidehem, prezidanto de la Nordfrancia Esperanto-Federacio,
ĝis nova interkonsento pri la temo aŭ ĝis lia eksestraraniĝo.
Eble aliaj deziras proponi sin kiel vicsekretario. Mi pensas
i.a. al Jeanne-Marie Cash, kiu ja aktivas pri la kotizosistemoj
kaj aliaj aferoj. Ĉu vi, Jeanne-Marie, bonvolus... ?
Ĉu aliaj ? |
Mi petas, ke al la federaciaj prezidantoj ne-retanoj (tiuj ne indikitaj
leterkape) la samestraranoj bonvolu transdoni aŭ informi pri tiu
retletero kaj ties proponoj.
Bonvolu rapide respondi al tiu retletero por sciigi la (mal)konsenton
de via federacio pri la proponoj unua kaj dua.
Atendante viajn respondojn,
Amike kaj tutkore via,
XAVIER DEWIDEHEM
Prezidanto de la Nordfrancia Esperanto-Federacio
|
